Los domingos son la cosa más literaria que conozo depués de les muyeres. Tolos escritores falen de muyeres rubies, rizoses, morenes, de pelu lisu, con gafes, en tacones, en playeros, en camiseta o desnudes. Y tenía qu'haber más escritores que falaren de domingos, del sable la playa, del fríu, de la llucha de dos cuerpos, de películes a medies o de cafés y cerveces. A lo meyor tú qu'entres equi a lleer esto qu'escribo el primer miércoles de xunu a les 00:24 de la nueche sabes lo que ye ser domingueru sin acompañante, y prestabate que yo falare d'ello, pero el títulu d'escritor quedame enforma grande...

Read more...

Tornar

Yo tenía un blogue.... d'eso me di cuenta l'otru día mientres andaba pel tuenti, pel facebook, pel fotolog... mil coses qu'al fin y al cabu valen pa "casi" lo mesmo. Diome por escribir otra entrada n'esti "lo que fizo la borona..." y podría falavos de crisis, pero como soi de la cuenca equí llevamos 20 años en crisis y somos el proyectu pilotu de crisis. Podría falavos de gripe porcina, pero equí tovía nun llego y entós yo sigo pensando en comer un pocu andoya acompañao d'un pocu de quesu afuega'l pitu roxu que fae una perbona combinación. O tamién de la canción que venia ayer escuchando nel tren camín de casa y que en parte fizome acordame de varies coses, entre elles que yo un día abrí un blogue.... http://www.goear.com/listen/473382f/guten-og-mannen-Fribo

Read more...

La Nada y tú....

Tengo un amigu que va tiempu foi vecín de cuenca, anque güei vive (por decir...) n'Uviéu. Conocilu va años, apegau yá a la so guitarra n'un conciertu nel que si nun recuerdo mal cobró n'especies en forma d'espicha n'una sidrería que güei curiosamente yá nin esiste en Sama (Conceyu de Llangréu).

Conciertos pa venti persones, discos firmaos por el mesmu chavalin que foi medrando y diben quedandosei pequeños los escenarios y les sales de conciertos. Sientome con ganes de felicitalu dende equí porque pal que nun lo sepa esti vienres ganó en Mieres el premiu al meyor cantar n'asturianu entamau pol Principau ( vamos dexar lo que me paez esa cuestión pa otru día...) col tema La Nada y tú.

Fredín.... que grande yes cabrón

http://www.youtube.com/watch?v=dOXe9o0RLXQ

Read more...

Ensaio.org

Dende entamos del mes d'agostu furrula en Galicia el portal d'internet http://www.ensaio.org/ destinau a ser un puntu común d'aconceyamientu pa los grupos y músicos galegos na rede. Esta páxina web dende'l so primer día ta distribuiu en tres espacios perimportantes, por un lláu, un sitiu onde dar a coñocer a los grupos que van surdiendo nel país, por otru y un aspectu cimeru que yo señalaría como mui positivu tola documentación ya información de la red de locales d'ensayu que cualquier grupu o músicu pue utilizar y a la fin otru apartau qu'algama dende noticies a concursos. Ye bien cenciello de furrular n'esta páxina, cada grupu crea la so páxina dentro del portal que-y sirve pa dar a conocer les sus actividaes y permite-yos conocer a otros mozos que o bien faen lo mesmo qu'ellos o lo faen na mesma ciudá/pueblu. Perinteresante iniciativa del gobiernu gallegu qu'además decidió aumentar la red de llocales d'ensayu viendo l'espoxigue d'esta iniciativa tan guapa. Esperemos que vaya too p'alantre y que muncha xente mozo y non tan mozo lo puea esfrutar

Read more...

N'asturianu??

Y porque facer un blogue n'asturianu? que xacíu tien facer daqué asina n'un momentu nel que l'inglés ye una llingua universal y los amantes del castellán vuelquense en firmar "manifiestos por la lengua común"?

Tien el xacíu de caltener una llingua viva, les llingües que se pierden son una pérdida enforma grande de recuperar pol so valir históricu y de comunicación social pa los sos falantes (por pocos que seyan...). Les llingües caltienense col usu en toles estayes de la vida, y como non, tamién n'interné. Yo ñaci no que yo considero Asturies, de má con orixen nel conceyu Valdés y pá con orixen nel conceyu Llangréu, polo tanto sientome obligau a defender lo que yá falaron tolos mios antepasaos y anque nun seya oficial nel país, na mio casa sí, y la mio casa tamién ye esti blogue nel que tais convidaos a pasar a charrar y a tomar daqué si se tercia.

Read more...

Living in la cuenca

Anque nun lo paeza, esto ye totalmente real y atopelo el domingu de la que tornaba pa mio casa. Triste, pero cierto...

Read more...

La Primera na frente

Ñaz esti blogue col nome de "Lo que fizo la borona..." una gran frase d'una persona tan sabia como la güela d'esti qu'escribe equí que val pa toa esa triba de coses inesplicables a les que naide ye quien a topar xacíu.

Allá va y que vos preste!

Read more...